Leichte SpracheDeutschEnglishTürkçeShqiptarArabischKurdî

Gav bi gav ber bi şêwirdariyeke xwedî behwerî bi rêya înternet!

Gav bi gav ber bi şêwirdariyeke xwedî behwerî bi rêya înternet!

Gelo ev cara pêşî ye, ku tu pirsekê ji me re bi rêya înternet dişînî?

…….eger wisa be, pêl vê pişkokê bike, ya ku dibêje : Tu dixwazî tiştekî ji me re binivîsî ? / Tu dixwazî wek cara pêşî xwe qeyd bikî ?

 

Hêdî tu dê derbasî cihê şêwirdariyê bibî. Li vê derê tu dikarî tiştên di dilê xwe de di wê meydana „Nûçe“ de binivîse.  Di xala babet” de, tu dikarî navekî li nivîsa xwe bikî.

 

Taku ev têkiliya me mukum be û kesekî din nikaribe nivîsa te bixwîne, wê pirsa navekî suxte û gotineke veşartî ji te were kirin. Tu dikarî navekî suxte û gotineke veşartî bi dilê xwe hilbijêrî. Navê suxte, navekî xeyalî ye, tu serbestî çi navî ji xwe re hilbijêrî. Bi tenê bi alîkariya vî navê suxte û gotina veşartî tu dikarî piştra hêdî bersiva pirsa xwe bixwînî. Hey ji navê xwe yê suxte û gotina veşartî hebe, wan winda neke, taku kesekî din nikaribe bi navê te bikevê malperê û tiştên te bixwîne!

 

Gotina veşartî divê bi kêmanî 6 tîp bin û ji herfan û hijmaran pêk were (a-z, A-Z û hijmar 0-9). Divê herfê gotinê bi heve bin, anku li pey hev bin, çênabe ku cihekî vala di navbera tîpan de hebe. Hişiyar be: Divê tu hey ji herfên mezin û piçûk hebî. Heger te ji boy gotina veşartî herfên piçûk hilbijartibin, divê tu herdem bi herfên piçûk binivîsî.

 

Neha piştî ku te navek û gotineke veşartî ji xwe re çêkir, di nava malpera me de malpereke taybet ji boy posta te hate durst kirin. Û bi tenê tu û şêwirdara te dikarin derbasî malpera te bibin û posta te bixwînin!

 

Berî ku tu nivîsên xwe yan nûçeyên xwe ji me re bişînî, wê ji te bê pirs kirin, ka gelo tu şert û mercên bikaranînê qebûl dikî! Eger di destpêkê de ji te re zehmet be jî, lê wê dîsa baş be, eger tu wan agehdariyan (şert û mercên bikaranînê) bixwînî. Di vê nivîsê de hindek agehdariyên din yên muhum li ser şêwirdariya di rêya înternet de hene!

 

Tu dikarî neha nivîsa xwe ji me re bişînî. Divê bi tenê tu pêl pişkoka „nûçeyê bişîne“ bikî

 

Taku tu karibî şopa xwe di înternet de winda bikî û kesek nizanibe, ku tu derbasî malpera me bûye û te tiştek ji me re nivîsiye, gelekî muhum e, ku tu piştî bi dawîbûna şêwirdariyê, malpera xwe durust bigrî! Pişkoka girtina malperê li jor e, li ser destê çepê ye!

 

Em ji aliyê xwe ve hewl didin, ku di navbera 3 rojan de bersiva pirsên te bidin. Dibe ku em hindek caran nikaribin zû bersiv bidin, ji ber vê yekê dê baş be, eger tu şert û mercên bikaranîna malpera me (cihê şêwirdariyê di înternet de) bixwînî!

 

Tu dikarî tiştê te di malperê de nivîsandî di malpera xwe de hilgirî. Ji ber ku dibe hindek caran wextê te nebe, ku tu nivîsa xwe bi dilê xwe binivîsî, ji ber ku civîneke te heye yan ji ber ku ji nişkê ve yek bi ser te de hat yan jî tiştekî din çêbû û te nikarîbû mektûba xwe berdewam bikî. Wî çaxî mektûba te di posta te tê hilgirtin, tiştên te nivîsandî winda nabin. Ew mektûba te di posta te de dimîna, heta careke din tu xwe di malpera xwe de qeyd bikî.

 

Eger tu xwazibî bizanibî, ku me bersiva mektûba te daya yan na, tu dikarî e-maila xwe ji me re binivîsî. Eger me bersiva te da, emê e-mailekê ji te re bişînin.

Lê ev bi dilê te ye, tu ne mecbûr î e-maila xwe ji me re bêjî!

 

Hêdî wê ji te bê pirskirin, ka emrê te çi qas e, mala te li ku ye û hindek pirsên din jî wê ji te bên kirin. Lê tu ne mecbûr î van zaniyariyan ji me re bêjî, ev tişt di destên te de ne! Em van pirsan ji te dikin, taku em karibin baş alîkariya te bikin! Hindek caran ji me re jî û ji te re jî baş e, eger em zanibin, emrê te çi qas e, mala te li gund e yan li bajêr e û hindek pirsên din jî. Wekî din jî em dikarin di warê serhijmartinê de fêdê ji van zaniyariyan bikin. Ev zaniyarî û agehdarî ji ber wê yekê baş in, ji ber ku wisa ji me re tê xwiya kirin, ku gelek keç xwe li cem me qeyd dikin, ji ber ku ew keç dixwazin, ku em şîretan li wan bikin û bi vê yekê jî diyar dibe, ku alîkarî û şêwirdariya taybet ji boy keçan û jinên ciwan gelekî lazim û muhum in.