Leichte SpracheDeutschEnglishTürkçeShqiptarArabischKurdî

Şert û mercên bikaranînê

Şêwirdariya di rêya înternet de ya pireçandî ya komeleya keçan Bielefeld e.V. xizmetek e ji boy keçan û jinên ciwan di navbera 12 û 21 salan de. 

Ev şêwirdarî:

  • Pireçandî ye – em xizmeta hemî keç û jinên ciwan di navbera 12 û 21 salan de dikin. Û em xizmeta hemî keç û jinên ciwan ji hemî netew û dînan dikin
  • Hevalbendî ye– em hevalbendê te ne, em li pişta te ne û piştgiriya berjewendiyên te dikin 
  • nepenî û xwedî behwerî ye -  tu ne mecbûrî navê xwe û navnîşana xwe ji me re bêjî
  • Belaş e – em tu pera ji te nastînin û tu hesaba ji te re naşînin

Li vî cihê şêwirdariyê (bi rêya înternet) yê pireçandî bi tenê jin kar dikin! Ev jin ji gelek welatên Dinyayê ne. Em bi zimanê elmanî, inglîzî û tirkî dizanin.

A. Qeyd kirin ji boy Şêwirdariya di rêya înternet de

Ji boy qeyd kirina ji boy Şêwirdariya di rêya înternet de ne mecbûr, ku tu nav û nîşana xwe ji me re binivîsî. Bi tenê navekî suxte û gotineke veşartî lazim in. Tu dikarî van navan bi dilê xwe hilbijêrî. Bi alîkariya vî navê suxte û gotina veşartî tu dikarî derbasî malpera me bibî (cihê şêwirdariyê di înternet de) û piştra bersivên me ji te re şandîn bixwînî. Baş hey ji navê suxte û gotina veşartî hebe û nehêle, ku bikevin nav destên kesekî xerîb. Ji ber hêdî ewê karibe derbasî malpera te bibe û hemî tiştên te bixwîne!

Tu dikarî bi şev û roj derbasî malperê bibî û e-maila binivîsî. Heta ji me tê, em zû bersiva mektûban didin, bi gelekî sê rojan piştî ku te mektûb ji me re şand, divê bersiva te ji aliyê me ve were dayîn! Lê eger tu roja îniyê yan dawiya heftiyê ji me re binivîsî, dibe ku, roja sêşembê yan çarşembê ji nû em karibin bersiva te bidin. Ji ber ku em dawiya heftiyê kar nakin.

Eger tu bi zimanê elmanî û inglîzî û tirkî ji me re binivîsî, emê karibin bersiva te di cih de bidin. Mektûbên ku bi zimanê elbanî û kurdî û rûsî ji me re tên, divê pêşî ji aliyê tercumanekî werin tercume kirin. Ji ber vê yekê jî bersiva me hindekî dewam dike. Û em dixwazin ku dilê te di cih de be, û tu hîç ne tirsî, bila behweriya te bi me were, em nahêlin ku kesekî ne nas mektûba te bixwîne û zanibe ku te tiştek ji me re şandî ye!

Eger tu bixwazibî ji malpera şêwirdariyê derkevî, gelekî muhum e, ku tu dergehê malperê li pişt xwe bigrî! Heger tu dergeh li pişt xwe baş negrî, dibe ku kesekî din were û derbasî malperê bibe û mektûbên te bixwîne!

B. Nav û nîşanên te yên taybet

  • Nivîsandina nav û nîşanên te bi dilê te ye, tu ne mecbûr î wan binivîsî.
  • Em baş hey ji nav û nîşanên te hene û nahêlin ku bikevin destên kesekî din.
  • Emê nav û nîşanên te bi tenê ji boy şêwirdariyê bi kar bînin.

C. Pirsgirêk

Eger şêwirdarî ne bi dilê te be yan eger pirsgirêkên teknîkî peyda bibin, hêdî ji kerema xwe re e-mailekê ji me re binivîse û li ser vê e-mail bişîne: info@beranet.de.

D. Sînorên şêwirdariyê

Tu dikarî şêwirdariya di rêya înternet re bikarbînî, taku tu karibî beriya her tiştî  hemî tiştên di dilê xwe de binivîsî. Em dikarin bi te re rûnin û bifikrin, ka tu dê çawa karibî rewşa xwe ya neha biguherî. Û em dikarin alîkariya te bikin, taku tu karibî hindek mecal û derfetên nû ji xwe re peyda bikî. Em dikarin herweha alîkariya te bikin, û bi te re li cihekî baş ji boy şêwirdariyê li nêzîkî mala te bigerin. Lê divê tu zanibî, ku şêwirdariya di rêya înternet de nikare kul û derdên te derman bike!

HIŞIYAR BE: Eger di malê de tehda û zordariyeke mezin li te hate kirin û gef li te yan li kesekî din hatin xwarin û hun birîndar bûn, tu dikarî wî çaxî yekser telefûna polîsan bikî.

Telefûna hawarê ji boy alîkariya bi lez: 112

Eger tu di rewşeke dijwar de bî, tu dikarî bi dizî ve (bêy ku nav û nîşanên xwe bêjî) û belaş 

  • Telefûna „Nemra li dijî derdan“ bikî: 0800 - 111 0 333 (roja duşemban heta şemiyan ji saet 14.00 heta saet 20.00)
  • Telefûna „alîkariya rohanî“ bikî: 0800 – 111 0 111 (Bi şev û roj!)

Eger hindek caran merov tu çareyan ji xwe re nebînin û jiyan ji wan re dijwar xwiya bike û dem û dewran li serê wan bigerin, merov hindek caran mirinê tînin bîra xwe. Eger merov nema karibin tehda û zordestiyê û bêbextiyê û kul û êş û derdan tehmul bikin, wî çaxî merov ji xwe re dibêjin, mirin ji her tiştî baştir e. Mirin bi merovan xweş dibe. Lê di rewşeke wisa de, mesela ne mesela mirin û kuştinê ye, divê merov dawî li wan tiştan bînin, ew tiştên ku merov nema dikarin tehmula wan bikin.

Dibe ku tu jî di rewşeke wisa de bî. Dibe ku tu jî difikirî û ji xwe re dibêjî, ku jiyana te bê fêda ye û tu dixwazî dev ji vê jiyanê berdî. Tu dikarî van tiştan hemiyan ji me re binivîsî. Emê hêdî guh bidin te û hey ji te hebin û alîkariya te bikin, taku tu ji vê rewşa xerab derkevî û karibî jiyaneke baştir ji xwe re derbas bikî. Eger tu aşkere ji me re bêjî, ku tu dixwazî xwe bikûjî, divê em hingî ji boy parastina te û herweha ji boy parastina xwe jî tevbigerin û ji dil xwedî li te derkevin. Heger tiştekî wisa hebe, divê em alîkariyekê yan çareseriyekê ji te re peyda bikin. Ji ber ku helbet em naxwazin, ku tu xwe bikûjî!

Û helbet emê heman alîkariyê û çareseriyê ji te re peyda bikin, eger tu ji me re binivîsî, ku tu plana ziyaneke mezin dikî û tu jiyana xwe û ya hindek merovên din bikî xeteriyê.

E.Derbasbûna bê destûr ji boy kompiyuterê cihê şêwirdariyê

Eger şert û mercên me ji boy bikaranîna şêwirdariya bi rêya înternet bêne bin pê kirin û hindek kes bê destûr derbasî malpera me bibin yan hewl bidin ku derbasî malpera me bibin, emê hêdî di rêyên qnûnî re gilih bikin. 

F. Guherandina şert û mercên bikaranînê

Guherînên taze yên van şert û mercên bikaranînê wê li ser vê malperê werin belav kirin.

Eger tu bi van şert û mercên bikaranînê ne razî bî, ya baş ew e, ku tu şêwirdariya di rêya înternet re bi kar neyînî!